د امریکا منتخب ولسمشر ډونالډ ټرمپ ویلي، چې د روسیې ولسمشر ولادیمیر پوتین هیله ښودلې چې ژر تر ژره ورسره د اوکراین د جګړې په اړه خبرې وکړي.
ټرمپ په اریزونا کې د وینا پر مهال ویلي چې ولسمشر پوتین ویلي چې هغه غواړي ژر تر ژره له ما سره وویني.
ټرمپ زیاته کړې، چې موږ باید دې ته انتظار وباسو او باید دا جګړه پای ته ورسوو.
ټرمپ ویلي، دا جګړه وحشتناکه ده او نور باید پای ته ورسېږي.
د یادونې ده چې ټرمپ د خپلو ټاکنېزو کمپاینونو پرمهال هم ژمنې کولې چې واک ته له رسېدو وروسته به د اوکراین جګړه پای ته ورسوي.
