واشنګټن پوسټ ویلي چې، اسراییل به د راتلونکي زېږیز کال په پیل کې ډونالډ ټرمپ ته په لبنان کې د اوربند هوکړه ډالۍ کړي.
واشنګټن پوسټ زیاتوي، چې د اسراییل د سټراټیژیکو چارو وزیر روانه اونۍ د امریکا له نوي منتخب ولسمشر ډونالډ ټرمپ سره کتلي او لبنان کې یې د اوربند په اړه خبرې کړې دي.
د یادونې ده چې تېره ورځ د اسرائیل د بهرنیو چارو وزیر جدعون سار هم ویلي، چې حزب الله ډلې سره د جګړې د ختمېدو برخه کې د خبرو په اړه پرمختګ شوی دی او په وینا یې اسراییل په دې برخه کې له امریکا سره په ګډه کار کوي.
