د طالبانو حکومت تر کنټرول لاندې د ملي بس امارتي شرکت اجرائیوي رئیس حافظ عبدالباقي مقیم او مل پلاوي یې د چین په دونګ ولایت کې د AIPU VEHICLES شرکت له مسؤلینو سره لیدلي دي.
د ملي بس شرکت د معلوماتو له مخې، په دې لیدنه کې د عصري ملي بسونو د تولید او پېرلو، د مټرو، بيارټي (BRT) او ښاري ترانسپورټ د پراختیا په برخو کې د همکاریو پر فرصتونو خبرې شوې دي.
د دغه سفر موخه د هېواد د عامه ترانسپورټ عصري کول، د خدمتونو د کیفیت لوړول، د ښاري ګڼهګوڼې کمول او خلکو ته د خوندي او ارزانه ترانسپورټي خدمتونو برابرول بلل شوي دي.
