د افغانستان د فوټسال ملي لوبډلې د برازیل د شپږاړخیزو سیالیو په پایلوبه کې له کوربه لوبډلې ۶-۰ ماتې وخوړه او د دغو سیالیو د دویم مقام په خپلولو سره یې سیالۍ پای ته ورسولې.
په دې لوبه کې فابینیو د برازیل لپاره دوه او لیاندرو لېنو، کلېبر، سرجینیو او روفینو هر یوه، یو- یو ګول وواهه.
افغان لوبډله له پایلوبې مخکې په دغو سیالیو کې نه وه ماته شوې، خو په وروستۍ لوبه کې یې د برازیل پر وړاندې بریا ترلاسه نه کړه.
برازیل د افغانستان پر وړاندې په بریا سره د درېیم ځل لپاره د دغو سیالیو اتلولي وګټله. دې لوبډلې په ۲۰۲۳ او ۲۰۲۵ کلونو کې هم د شپږاړخیزو سیالیو اتلولي ترلاسه کړې وه.
