یو شمېر پاکستاني خبریالانو او د ټولنیزو رسنیو کاروونکو خبر ورکړی چې د پاکستان هوايي دفاعي سیستمونو د چهارشنبې په ورځ اته ډرونونه چې په وینا یې، له افغانستانه د پاکستان هوايي حریم ته داخل شوي وو، ویشتلي دي.
د دوی په وینا، څلور ډرونونه د تورخم پولې ته څېرمه او څلور نور د کوهاټ اړوند غرنیو سیمو کې له منځه وړل شوي دي.
پاکستانيان ادعا کوي چې ډرونونه تر خپلو ټاکل شویو هدفونو له رسېدو مخکې د پاکستان پوځ او هوايي ځواک له لوري شنډ شوي دي.
خو د طالبانو حکومت د افغانستان له لوري د ډرونونو ادعا رد کړې ده.
