العربيه وايي، پاکستان هڅه کوي چې د امریکا او ایران ترمنځ د ځنډېدلو خبرو د بیا پیل لپاره د منځګړیتوب رول ولوبوي.
ویل کېږي، دا هڅې د چین په نوښت او هڅونه پیل شوې دي.
درې پاکستاني سرچینو العربيه ته ویلي، اسلاماباد د هغو ډیپلوماټیکو لارو چارو په لټه کې دی چې د دواړو هېوادونو ترمنځ د نږدې پنځو میاشتو راهیسې روان کړکېچ د خبرو له لارې هوار شي.
د سرچینو په وینا، چین له پاکستان څخه غوښتي چې د تهران او واشنګټن ترمنځ د اړیکو د بیا فعالولو او د کړکېچ د کمولو په برخه کې همکاري وکړي.
