پاکستاني خبریال عمران ریاض خان د دغه هېواد د پوځ پر مشرانو نیوکه کړې او ویلي یې دي چې پخوا یې دا فکر کاوه چې جنرالان د پرېکړو پر مهال د پاکستان ملي ګټې په لومړیتوب کې نیسي؛ خو د ده په وینا جنرال عاصم منیر ثابته کړه چې دا باور ناسم و.
نوموړي ویلي، پوځي مشران تر هر څه وړاندې د خپلو دندو د دوام، د واک د ساتلو او شخصي ګټو په اړه فکر کوي، او وروسته پرېکړې کوي؛ نه دا چې تل د پاکستان د ګټو له مخې عمل وکړي.
عمران ریاض خان دا څرګندونې په داسې مهال کړې دي چې په پاکستان کې د پوځ د رول او په سیاسي چارو کې د پوځي مشرانو د نفوذ موضوع لا هم د مخالفو سیاسي ډلو او شنونکو له مهمو بحثونو څخه ده.
