د ملګرو ملتونو سرمنشي انتونیو ګوترېش ویلي، نړۍ باید د طبیعي سرچینو د استخراج، پروسس، بازار ته د رسولو او کارونې په برخه کې اساسي بدلون راولي.
ګوترېش ټینګار کړی چې تولیدوونکو هېوادونو او اغېزمنو ټولنو ته باید د طبیعي سرچینو له ارزښت څخه ډېره ګټه ورسېږي.
هغه ویلي: «نور باید استثمار او لوټمارۍ ته اجازه ورنه کړل شي.»
نوموړي زیاته کړې چې د سرچینو مدیریت باید داسې وي چې د هغو هېوادونو خلک او ټولنې چې دا سرچینې لري، له اقتصادي ګټو یې برخمنې شي.
