د بلوچ جمهوري غوښتونکي ګارد (BRG) اعلان کړی چې د بلوچستان د سبۍ ولسوالۍ اړوند د لمجي په سیمه کې یې د اوچ برېښناکوټ څخه کویټې ته غځېدلې د ۲۲۰ کیلوولټه برېښنا لېږد دوه پایې (ټاورونه) يې د چاودېدونکو توکو په وسیله ویجاړې کړې دي.
د دې ډلې په وینا، د چاودنې له امله دوه د برېښنا لېږد پایې په بشپړه توګه نړېدلې او دوه نورې پایې هم سختې زیانمنې شوې دي.
بلوچ جمهوري غوښتونکي ګارد (BRG) د دغه برید مسؤلیت منلی او ویلي یې دي چې دا ډول عملیات به تر هغه دوام وکړي، څو چې د دوی په وینا د بلوچستان د خپلواکۍ هدف ترلاسه نه شي.
