د متحده عربي اماراتو په دوبۍ ښار کې د پنجشنبې په ورځ د درنو چاودنو غږونه اورېدل شوي، خو تر اوسه د دغې پېښې د لامل او څرنګوالي په اړه رسمي معلومات نه دي خپاره شوي.
د رویټرز د راپور له مخې، ځینو عیني شاهدانو ویلي چې په ښار کې یې د چاودنو غږونه اورېدلي دي، خو د پېښې اصلي سرچینه او لامل تر اوسه نه دی روښانه شوی.
وروسته د دوبۍ د رسنیو دفتر د رویټرز راپور رد کړ او ویې ویل چې خپاره شوي معلومات ناسم دي.
چارواکو له خلکو او رسنیو غوښتي چې یوازې پر رسمي سرچینو باور وکړي او له هغو معلوماتو له خپرولو ډډه وکړي چې لا یې تایید نه دی شوی.
تر اوسه د احتمالي زیانونو، مرګژوبلې یا د پېښې د علت په اړه کوم رسمي جزئیات نه دي ورکړل شوي.
