د متحده عربي اماراتو حکومت ویلي، د دغه هېواد هوايي دفاعي سیستمونه د ایران له لوري د توغندیو او بېپیلوټه الوتکو (ډرونونو) د احتمالي بریدونو د شنډولو لپاره په فعاله توګه عملیات ترسره کوي.
اماراتي چارواکو په یوه لنډ بیان کې ویلي، د هېواد هوايي دفاع له راتلونکو توغندیو او ډرونونو سره ښکېله ده، خو تر اوسه یې د بریدونو د زیانونو، احتمالي تلفاتو او یا د شنډو شویو توغندیو او ډرونونو شمېر په اړه نور جزییات نه دي خپاره کړي.
دا په داسې حال کې ده چې د امريکا له خوا يو ځل بيا پر ايران بريدونه پيل شوي دي.
