د کابل د طالبانو حکومت د جنايي جرمونو پر وړاندې د مبارزې ریاست وایي، امنیتي ځواکونو یې د یوې ښځې په ګډون درې کسان د جعلي تذکرو په کارولو د پاسپورټ اخیستو او بهرنیو هېوادونو ته د غیرقانوني سفر د هڅې په تور نیولي دي.
د یاد ریاست په وینا، دغو کسانو غوښتل د جعلي تذکرو پر بنسټ پاسپورټونه ترلاسه او له هېواده په ناقانونه ډول ووځي، خو تر اقدام وړاندې د امنیتي ځواکونو له لوري ونیول شول.
نیول شویو کسانو د لومړنیو څرګندونو پر مهال ادعا کړې چې جعلي تذکرې د دوی د کورنیو له خوا ورته برابرې شوې وې او دوی یوازې د پاسپورټ ترلاسه کولو هڅه کوله.
