بلوڅ ازادي غوښتونکي وسله وال پوځ، د یوې اعلامیې په خپرولو سره ادعا کړې چې د تیرې شپې له کمین وروسته یې پر یوه پوځي مرکز برید کړی او یو شمېر حکومتي سرتېري یې وژلي دي.
د اعلامیې له مخې، دې ډلې بلوچستان د خپلو مخالفینو “هدیره” بللې او ټینګار یې کړی چې خپلې وسلوالې مبارزې ته به دوام ورکوي.
په اعلامیه کې همدارنګه ادعا شوې چې دا ډله د هغو پښتنو، کردانو او د ایران د حکومت مخالفو وسلهوالو ملاتړ کوي چې د دوی په وینا له حقونو محروم دي.
