الجزیرې ويلي چې د خبرو له بهیر څخه یوې باخبره سرچینې ورته ویلي، چې د ایران او امریکا ترمنځ ټاکل شوې خبرې به د قطر په پلازمېنه دوحه کې په راتلونکو څو ورځو کې ترسره شي.
د سرچینې په وینا، د دواړو لورو تخنیکي ډلې به د هوکړې د پلي کېدو پر څرنګوالي خبرې وکړي او په همدې موخه به په دوحه کې غونډه ولري.
سرچینې، چې د نوم نه ښودلو په شرط یې خبرې کړې، زیاته کړې چې د هر ډول احتمالي کړکېچ د مخنیوي لپاره د اړیکو ځانګړي کانالونه هم فعال شوي او تخنیکي مذاکرات به دوام ولري.
