د پاکستان د کراچۍ ښار په ګلستانِ جوهر ۹م بلاک او د پوهنتون سړک ته نږدې سیمو کې د سختو چاودنو او شدیدو ډزو راپورونه ورکړل شوي.
د لومړنیو معلوماتو له مخې، لومړۍ چاودنه خورا زوروره وه، او وروسته د دوو نورو چاودنو غږونه هم اورېدل شوي دي.
عیني شاهدان وایي چې له چاودنو وروسته په سیمه کې اوږده موده شدیدې ډزې روانې وې.
ځینې سرچینې ادعا کوي چې پېښه د ځانمرګي برید له امله رامنځته شوې او بریدګر د رېنجرز په نوم یوې پوستې یا مرکز ته نږدې ځان الوځولی دی.
تر دې دمه د مرګ ژوبلې کره معلومات نه دي څرګند شوي.
