ایران ویلي، له امریکا سره د تازه لاسلیک شوي هوکړهلیک په چوکاټ کې به د هرمز تنګي د تګ راتګ لپاره پلان شوي فیسونه د ۶۰ ورځني مذاکراتي دورې په ترڅ کې معاف کړي.
د ایران د فارس خلیج د تنګي ادارې (PGSA) په وینا، دا پرېکړه د دواړو هېوادونو ترمنځ د وروستۍ هوکړې له مخې شوې ده چې موخه یې د لنډمهالي خبرو اترو پر کې مهال سیمهییزو سوداګریزو او سمندري فعالیتونو اسانتیا بلل شوې ده.
د راپور له مخې، په دې مودې کې به له کښتیو د تګ راتګ اړوند ځینې خدماتي فیسونه نه اخیستل کېږي، خو کښتۍ به اړې وي چې د تګ راتګ مهالویشونه او لارې له وړاندې له اړوندو ادارو سره شریکې کړي.
دا اقدام د هرمز تنګي په اړه د نړیوالې سمندري سوداګرۍ لپاره مهم ګڼل کېږي، ځکه دا لاره د نړۍ د تېلو د ترانسپورت له مهمو نقطو شمېرل کېږي.
