د امریکا ولسمشر ډونالډ ټرمپ په خپلې ټولنيزې شبکې ټروت سوشیال کې لیکلي چې امریکا سولې ته ژمنه ده او د منځني ختیځ له ټولو لورو یې غوښتي چې د خبرو اترو بهیر ته ژمن پاتې شي.
هغه ویلي چې تمه لري په ټولو جبهاتو کې، په ځانګړي ډول لبنان، حزبالله او اسرائیل ترمنځ، بشپړ اوربند رامنځته شي.
ټرمپ زیاته کړې چې نړیوال بازارونه د روانو بدلونونو هرکلی کوي، د تېلو بیې راټیټې شوې دي او د ونډو بازارونه هم وده کوي.
