د ایران ولسمشر مسعود پزشکیان د امریکا او ایران ترمنځ د هوکړې له لاسلیک وروسته ویلي، دا یو تاریخي سند او د پیاوړي ایران پیغام دی چې سوله د متقابل درناوي په فضا کې تحقق مومي.
پزشکیان د هوکړې د متن له خپرولو سره په اېکس کې لیکلي چې د ایران اسلامي جمهوریت تل د خپل عزت، خپلواکۍ او ملي ګټو په ساتلو سره نړیوالې سولې، پرمختګ او سیمهییزې همکارۍ ته ژمن او پابند پاتې شوی دی.
د ایران ولسمشر ټینګار کړی چې سوله هغه مهال دوامداره او اغېزناکه کېدی شي چې د متقابل احترام پر بنسټ رامنځته شي.
دا په داسې حال کې ده چې د امریکا او ایران ترمنځ هوکړه لاسلیک شوه چې له پراخو هرکلیو او نېکو هیلو سره مخ شوې.
