د امریکا د ولسمشر ډونالډ ټرمپ مرستیال جیډي ونس له انبيسي نیوز سره په خبرو کې ویلي چې د امریکا او ایران ترمنځ په وړاندیز شوي تفاهم کې تهران ته مهم اقتصادي امتیازات په پام کې نیول شوي دي.
نوموړي ویلي چې په دغو امتیازاتو کې د بندیزونو کمول او د ایران د اقتصاد د پراخې ودې فرصتونه شامل دي، خو دا به یوازې هغه وخت عملي شي چې ایران خپلې ژمنې په بشپړه توګه ترسره کړي.
ونس زیاته کړې چې ایران باید خپلې غني شوې یورانیمي زېرمې له منځه یوسي، د اټومي وسلو د نه ترلاسه کولو لپاره یوې اوږدمهالې او د باور وړ لارې ته ژمن پاتې شي، او د سیمې له وسلهوالو ډلو د ملاتړ پر ځای د سیمهییز ثبات لپاره کار وکړي.
هغه ویلي، که ایران خپلې ژمنې عملي کړي، نو د تړون له اقتصادي ګټو به برخمن شي؛ خو که ژمنو ته وفادار پاتې نه شي، نو له دغو امتیازاتو به محروم وي.
ونس ټینګار کړی چې دا تړون د دقیقې څارنې او تصدیق پر بنسټ ولاړ دی او کولی شي په منځني ختیځ کې د بنسټیز بدلون لامل شي.
