د پښتو موسیقۍ ځلانده ستورې شکیله ناز له سختې ناروغۍ ورو ورو په ښه کېدو راغلې او په خپلو پښو وګرځېده.
مېرمن ناز چې په پښو فلج شوې وه او د ملا تر ټولو سخت او پېچلی عملیات یې کړی بلاخره له خپل ځایه پورته او وګرځېده.
د نوموړې مېړه فاروق فراق په خپله فېسبوک پاڼه د شکیله ناز د ښه کېدو او له روغتونه کور ته د رخصتېدو خبر ورکړی.
دا په داسې حال کې ده چې د نوموړې روغتیا له څه مودې راهیسې خرابه وه او په روغتون کې تر درملنې لاندې وه.
