د ننګرهار ولایت د طالبانو حکومت د امنیه قومندانۍ چارواکي وایي، د دغه ولایت په سره رود ولسوالۍ کې د یوې کورنۍ د غړو ترمنځ د شخړې له امله دوه کسان وژل شوي او یو بل ټپي شوی دی.
د امنیه قومندانۍ د معلوماتو له مخې، پېښه د شیخ مصري په سیمه کې رامنځته شوې، چې پکې یوه سړي خپله مېرمن او لور وژلي او زوی یې ټپي کړی دی.
چارواکي زیاتوي چې د پېښې تر رامنځته کېدو وروسته امنیتي ځواکونو تورن کس نیولی او د موضوع په اړه یې څېړنې پیل کړې دي.
د مسؤلینو په وینا، لومړنۍ موندنې ښيي چې دا پېښه د کورنیو ستونزو او تاوتریخوالي له امله رامنځته شوې ده.
