د ایران د بهرنیو چارو وزیر عباس عراقچي په خپل ټېلېګرام چینل کې اعلان کړی چې د هغه کتاب “د مذاکراتو ځواک” پنځم چاپ ته رسېدلی دی.
هغه ویلي چې په نوي چاپ کې یوه بله برخه هم ور زیاته شوې ده چې “د اور لاندې ډیپلوماسي” نومېږي.
د هغه په وینا، په دې برخه کې د ۱۲ ورځنۍ جګړې پر مهال له امریکا سره غیر مستقیمو خبرو اترو ته اشاره شوې ده.
عراقچي زیاته کړې چې په نوي چاپ کې د ډیپلوماسۍ د وروستیو تجربو او مذاکراتي بهیر په اړه نوې څېړنې او توضیحات هم شامل شوي دي.
