د چین ولسمشر شي جین پینګ په بېجینګ کې د امریکا له ولسمشر ډونالډ ټرمپ سره په لیدنه کې خبرداری ورکړی، که د تایوان مسئله په سمه توګه مدیریت نه شي، نو چین او امریکا ښايي له ټکر او حتی شخړې سره مخ شي.
شي جین پینګ ویلي، د دواړو هېوادونو اړیکې به ډېر خطرناک حالت ته ولاړې شي که د تایوان موضوع په احتیاط او تفاهم حل نه شي.
نوموړي تایوان د بېجینګ او واشنګټن ترمنځ تر ټولو مهمه موضوع بللې.
چین تایوان د خپلې خاورې برخه ګڼي، خو تایوان دا ادعا ردوي او ځان خپلواک اداره کېدونکی ټاپو بولي.
همدارنګه، بېجینګ تایوان ته د امریکا د وسلو له پلور سره هم سخت مخالفت ښودلی دی.
