د امریکا ولسمشر ډونالډ ټرمپ د پنجشنبې په ورځ په خپلې ټولنیزې شبکې تروث سوشیال کې یو انځوریز جدول خپور کړی چې پکې د امریکا د یو شمېر جګړو موده له ایران سره د احتمالي جګړې له مودې سره پرتله شوې ده.
په دغه جدول کې ښودل شوي چې د افغانستان جګړه ۵۴۳ اوونۍ، د عراق جګړه ۴۵۷ اوونۍ، د ویتنام جګړه ۴۳۹ اوونۍ، د امریکا کورنۍ جګړه ۲۰۹ اوونۍ، دویمه نړیواله جګړه ۱۹۶ اوونۍ، د کوریا جګړه ۱۶۱ اوونۍ او د ۱۸۱۲ جګړې ۱۳۹ اوونۍ دوام کړی.
په جدول کې د ایران جګړه یوازې شپږ اوونۍ ښودل شوې ده.
ټرمپ د دغه جدول له خپرولو سره لیکلي: «دا جدول مطالعه کړئ.»
