الجزیرې راپور ورکړی چې د امریکا او اسرائیل له لوري د ایران پر ضد د روانې جګړې لګښت شاوخوا ۵۰ میلیارد ډالرو ته رسېدلی دی.
الجزیرې ویلي چې دا شمېرې د پخوانیو اټکلونو نږدې دوه چنده دي.
په راپور کې ویل شوي چې د لګښتونو د محاسبې بشپړ جزئیات لا له رسمي سرچینو نه دي خپاره شوي.
جګړې تر اوسه پراخ زیانونه اړولي، د زیربناوو ویجاړۍ ترڅنګ زرګونه کسان، چې ځینې یې لوړپوړي ایراني چارواکي هم دي، وژل شوي دي.
په همدې حال کې، د هرمز تنګي کې د تاوتریخوالي زیاتوالي د اقتصادي او امنیتي اندېښنو کچه نوره هم لوړه کړې ده.
