د امریکا ولسمشر ډونالډ ټرمپ له ایران سره د لنډمهاله اوربند د اعلان وروسته له فرانسې خبري اژانس سره په یوه ټلیفوني مرکه کې ویلي چې دا هوکړه یوه بشپړه او کامله بریا ده او د یورانیمو موضوع به په بشپړ ډول حل شي.
ټرمپ ویلي: «په سل سلنه، هیڅ شک پکې نشته.»
هغه همدارنګه زیاته کړې چې د ایران د غني شوي یورانیم ذخیرې به د دې هوکړې په چوکاټ کې په بشپړ ډول وڅېړل شي او سمبال به شي او که نه نو «هیڅکله به مې داسې هوکړې ته غاړه ایښې نه وای».
