الجزیرې د یوې امریکایي رسنۍ د معلوماتو پر اساس راپور ورکړی چې د امریکا ولسمشر ډونالډ ټرمپ ښايي د ایران سره د یوې هوکړې د رامنځته کېدو د رښتینو نښو په لیدو سره، هغه پوځي عملیات وځنډوي چې ټاکل شوې د سېشنبې په ورځ د ایران د بنسټیزو تاسیساتو پر ضد پیل شي.
د راپور له مخې، ټرمپ په یوې خبري غونډه کې ایران ته خبرداری ورکړی چې تر سېشنبې پورې باید یوې هوکړې ته ورسېږي، که نه له جدي پایلو سره به مخ شي.
هغه زیاته کړې چې په یوه شپه کې ټول هېواد ویجاړېدای شي، او دا شپه ښايي د سېشنبې شپه وي.
