د وال سټریټ ژورنال د تازه راپور له مخې، ایران په رسمي ډول منځګړو هېوادونو ته خبر ورکړی چې نه غواړي له متحده ایالات سره په اسلاماباد کې مذاکرات ترسره کړي.
راپور زیاتوي چې ایران د خبرو اترو لپاره د امریکا لهخوا وړاندې شوي شرطونه هم رد کړي، او اوس مهال په پاکستان کې د احتمالي مذاکراتو بهیر درېدلی دی.
سیاسي شنونکي وایي، پاکستان هڅه کوله چې په سیمه کې یو نوی دیپلوماتیک موقف خپل کړي، خو د ایران دې پرېکړې یې هیلې کمزورې کړې دي.
بلخوا، منځګړو هېوادونو ویلي چې اوس د ترکیه او مصر له لوري د ایران او امریکا تر منځ د احتمالي نوو مذاکراتو پر طرحو غور روان دی.
شنونکي همداراز باور لري چې د ایران لهخوا دا واضح رد ځواب ښايي په پاکستان کې د امریکا د نفوذ او له واشنګټن سره د اړیکو له امله شوی وي.
