نړیوالو رسنیو، په ځانګړي ډول رویټرز او نیویارک ټایمز، د امریکایي چارواکو له قوله راپور ورکړی چې د ایران پر فضا د یوې امریکایي جنګي الوتکې تر سقوط وروسته، د الوتکې د عملې د ژغورنې لپاره عاجل عملیات پیل شوي دي.
د راپورونو له مخې، امریکایي ځواکونو د پېښې له رامنځته کېدو وروسته سمدستي اقدام کړي او هڅه یې کړې چې د عملې غړي د ایران د ځواکونو له رسېدو مخکې ومومي.
سرچینې وایي، امریکا له مخکې په سیمه کې د ورته بیړنیو حالاتو لپاره ځانګړي ځواکونه چمتو کړي دي.
ویل کېږي چې دغه ځواکونه په عراق او سوریه کې ځای پر ځای شوي، څو د اړتیا پر مهال چټک غبرګون وښيي.
تر اوسه د پېښې د دقیق علت او د عملې د برخلیک په اړه نور جزییات نه دي خپاره شوي.
