د امریکا د بهرنیو چارو وزیر مارکو روبیو په تازه څرګندونو کې ویلي چې د ایران د اټومي پروګرام دوام او د وسلهوالو ډلو ملاتړ ښيي چې تهران ته هېڅکله د اټومي وسلو د ترلاسه کولو اجازه ورکول پکار نه دي.
نوموړي زیاته کړې چې د ایران پخوانی چلند، چې پکې د اټومي هڅو نه پرېښودل او د هغو ډلو ملاتړ شامل دی چې واشنګټن یې ترهګرې بولي، د نړیوال امنیت لپاره جدي ګواښ جوړوي.
روبیو ویلي: «د ایران لهخوا د خپلو اټومي هیلو نه تېرېدل او د ترهګرو ډلو ملاتړ نه بندول ښيي چې هغوی افراطي مذهبي تفکر لري او نړۍ ته تباه کوونکی لیدلوری لري.»
هغه ټینګار کړی چې دغه هېواد ته هېڅکله باید اجازه ور نه کړل شي چې اټومي وسلو ته لاسرسی ومومي، ځکه چې دا به د نړۍ په راتلونکي شدید خطر واچوي.
