د ملګرو ملتونو امنیت شورا نن د اسلامي دولت (داعش) د پراخېدونکي خطر په اړه غونډه کوي، څو ارزونه وکړي چې دغه ډله نړیوال امنیت ته ګواښ دی.
د ملګرو ملتونو عمومي منشي انتونیو ګوترېش په یوه راپور کې خبرداری ورکړی چې د داعش ګواښ په ټوله نړۍ کې په زیاتېدو دی.
راپور په ځانګړې توګه په افریقا کې وضعیت اندېښمنونکی بللی او ددغې ډلې فعالیتونه یې خطرناک بللي دي.
راپور د داعش خراسان ډلې فعالیتونو ته هم اشاره کړې او ویلي دي چې دا ډله د نړیوال امنیت لپاره خطر رامنځته کوي.
