د پاکستان ډان ورځپاڼې راپور ورکړی، چې له افغانستان سره د ډيورنډ کرښه د ۲۰۲۵ کال د اکتوبر له نیمایي راهیسې تړل شوې، چې له امله یې د الوګانو صادرات درېدلي او کورني بازارونه له اضافي محصول ډک شوي دي.
په تېرو کلونو کې د لوړو بیو له امله د پنجاب او خیبر پښتونخوا بزګرانو د الوګانو کرکېله پراخه کړې، چې یوازې په ۲۰۲۴–۲۰۲۵ کال کې تولید ۹.۴ مېلیون ټنو ته لوړ شوی.
د کرنې کارپوهان اټکل کوي چې د روان کال تولید به نږدې ۱۲ مېلیون ټنو ته ورسېږي؛ خو د صادراتو پراختیا کې جدي ګامونه نه دي اخیستل شوي.
اقتصادي شنونکي خبرداری ورکوي چې که حکومت د بزګرانو ملاتړ ونه کړي، د راتلونکو کلونو لپاره د الوګانو کرکېله به کمه شي.
