د اسراییلو لومړي وزیر بنیامین نتانیاهو خبرداری ورکړی چې د ایران له لوري پر اسراییلو د هر ډول زیان رسولو هڅه به له سخت او قاطع ځواب سره مخ شي.
نتانیاهو ویلي، پر اسراییلو احتمالي برید به لویه تېروتنه وي او زیاته کړې یې ده چې هماغه یو ځل هم ډېر دی.
هغه ټینګار کړی چې اسراییل به د خپل امنیت پر وړاندې هېڅ ډول ګواښ ونه زغمي.
د اسراییلو لومړي وزیر همدارنګه ویلي چې د هر ډول ګواښ پر وړاندې، چې د ده په وینا د «اختاپوس له سر» څخه راولاړېږي، اسراییلي ځواکونه په بشپړ چمتووالي کې دي او د هرې سناریو مقابلې ته تیار دي.
