د ناروې مېشت د ایران د بشري حقونو سازمان د راپور له مخې، تهران یوازې د روان کال په نومبر کې لږ تر لږه ۱۵۲ کسان اعدام کړي چې په هغوی کې څلور افغانان هم شامل دي.
دغه سازمان وايي، په ټول کال کې په ایران کې د اعدام شویو کسانو شمېر ۱۴۲۶ ته رسېږي، چې ۷۴ یې افغانان دي؛ دا د تېر کال په پرتله نږدې ۷۰ سلنه زیاتوالی ښيي.
تر اوسه د اعدام شویو افغانانو د هویت او قضیو په اړه رسمي معلومات نه دي خپاره شوي او نه هم د ایران او طالبانو حکومت په دې اړه څه ویلي دي.
