د ایران د بهرنیو چارو وزیر عباس عراقچي د امریکا پر تازه بندیزونو نیوکه کړې او ویلي یې دي چې واشنګټن له بندیزونو او جګړې سره خپلې موخې ترلاسه نه کړې، خو اوس یې «نوې» حللاره بیا هم د نورو بندیزونو لګول دي.
عراقچي په یوه ټویټ کې ویلي چې امریکا له ایران سره له ۴۷ کلونو بندیزونو وروسته د اسرائیلو په استازیتوب جګړه وکړه او د دې اقداماتو پایلې، د امریکا پر نړیوال دریځ هم اغېز کړی چې «ناورینزېږې» وې.
هغه پوښتنه کړې چې واشنګټن له بندیزونو او جګړې د خپلو موخو په ترلاسه کولو کې له پاتې راتلو وروسته ولې یو ځل بیا پر نورو بندیزونو تکیه کوي.
