د طالبانو حکومت د بهرنیو چارو وزیر امیرخان متقي د پاکستاني چارواکو هغه ادعاوې رد کړې چې ګواکې د تحریک طالبان پاکستان یا ټيټيپي ډلې د افغانستان په خاوره کې میشت دي.
هغه ویلي هیڅ هغه ډلو ته د افغانستان په خاوره کې د میشتیدو اجازه نه ورکول کېږي چې ګاونډي هیوادونو ته ترې خطر مواجع کېږي.
نوموړي ویلي:«تر موږ مخکې د پاکستان حکومت د خپلو قبایلي سیمو د عملیاتو پر مهال یو شمېر کسان افغانستان ته اوښتې وه. په هغه وخت کې د امریکا ملاتړ لرونکې حکومت واکمن و، او دا کسان د هماغه نظام له میراث څخه پاتې و چې موږ یې د حل مسوولیت پر غاړه واخیست او دا ستونزه مو د حل په لار ده.»
متقي دا څرګندونې په نوي ډیلي، کې د یوې خبري ناستې پر مهال کړي.
