د طالبانو حکومت د امربالمعروف وزارت ویاند سیف الاسلام خیبر هغه ادعاوې رد کړې چې ګواکې تېرو دریو ورځو کې یې کابل ښار کې ښځې او نجونې نیولي.
هغه په خپله ایکس پاڼه یوه اعلامیه خپره کړې او ویلي یې دي چې د امربالمعروف وزارت د ښځو د نیولو ادعا په کلکه ردوي او په وینا یې د دوی حکومت د ښځو حقونو ته ژمن او حقوق یې تامین کړي دي.
د یادونې ده چې څه موده وړاندې هم راپورونه خپاره شوي وه چې کابل کې یو شمېر ښځې د طالبانو حکومت نېولې وې؛ خو هغه وخت هم سیف الاسلام خیبر دا ادعا رد کړې وه.
