د امریکا ولسمشریزو ټاکنو ته نوماند ډنالډ ټرمپ یو وار بیا د کډوالو په اړه د بایډن پر پالیسي نیوکه کړې او ویلي یې دي چې د بریا په صورت کې به امریکا ته د کډوالو راتګ په ټپه ودروي.
هغه ویلي، د امریکا په تاریخ کې به د کډوالو د تبعید لوی بهیر پیل کړي.
د ټرمپ په خبره، دی به د امریکا پولې خوندي او له دې لارې به خپل هېواد کې د نشهیي توکو زیاتېدو مخنیوی وکړي.
د یادونې ده چې ټرمپ تر دې وړاندې هم ویلي وو چې د بریا په صورت کې به امریکا ته د کډوالو د راتګ مخه ونیسي.
