د پاکستان د فضا ملي تحقیقاتو ادارې (سوپارکو) اعلان کړی چې د دغه هېواد تازه سپوږمکۍ پیآراساس به د راتلونکې سهشنبې په ورځ د چین له شیچانګ فضايي مرکز څخه مدار ته ولېږدول شي.
د سوپارکو چارواکي وايي، دا ماموریت د پاکستان د فضا پراخولو لپاره د جوړ شوي اوږدمهاله پلان “ویژن ۲۰۴۷” برخه ده.
دا سپوږمکۍ به د ځمکې د مشاهدې، د طبیعي منابعو د مدیریت، او د طبیعي افتونو د څار لپاره کارول کېږي.
د جیونیوز راپور له مخې، پیآراساس له پرمختللو عکساخیستونکو وسایلو سره مجهزه ده او تمه ده چې د کرنې، ښاري پلان جوړونې، د بحران مدیریت، او د چاپېریال د څار په برخو کې مهم رول ولوبوي.
