چین له پاکستانه غوښتي چې د طالبانو له حکومت سره ډیپلوماټیکې اړیکې پراخې کړي.
د پاکستان د بهرنیو چارو وزیر اسحاق ډار وایي، دا غوښتنه د افغانستان، پاکستان او چین په درې اړخیزه غونډه کې شوې.
نوموړي زیاته کړې چې له غونډې وروسته یې له چین غوښتي چې د چین-پاکستان اقتصادي دهلیز افغانستان ته هم وغځوي، او لګښت دې هم د همدغه پروژې له لارې برابر شي.
د هغه په وینا، د چین بهرنیو چارو وزیر دا وړاندیز منلی دی.
