تېره شپه د جلال اباد ښار د پنځمې امنيتي حوزې اړوند کابل اډې سيمه کې د “ضياءالله” په نوم يو ځوان خپل مور او پلار په چاړه وژلي دي.
د ننګرهار د طالبانو د امنیې قوماندانۍ ویاند سید طیب حماد هم دغه پېښه تایید کړې او ویلي چې دغه ځوان د خپل مور او پلار له وژلو وروسته خپل ځان هم وژلی دی.
حماد زیاتوي چې د پېښې په تړاو پلټنې روانې دي.
د سیمې اوسېدونکو ویلي، چې ضياءالله د طبي ټکنالوژۍ فارغ شوی و او په دې وروستيو کې له جدي عصبي ستونزو سره مخ و.
