د اوکراین ولسمشر، ولادیمیر زیلینسکي نن د جرمني پلازمېنې برلین ته رسېدلی.
راپورونه وایي، چې زیلینسکي به په دې سفر کې د جرمني له نوي صدراعظم، فریدریش مرتس، سره د دواړو هېوادونو د همکاریو او د اوکراین پر روانې جګړې بحث وکړي.
مرتس له زیلینسکي سره ژمنه کړې چې د خپلې صدارت دورې پر مهال به د اوکراین په ملاتړ کې لا زیات عملي اقدامات وکړي.
دا لیدنه داسې مهال ترسره کېږي چې لوېدیځ کې د اوکراین جګړې ته پاملرنه کمه شوې او امریکا هم له کیف سره په مرستو کې احتیاط غوره کړی.
