د طالبانو حکومت د امربالمعروف ریاست چارواکو د لغمان په الینګار کې د موسیقي لسګونه الات سوځولي دي.
دوی ویلي، چې دا الات له تېرو څو میاشتو راهیسې د بېلابېلو ودونو له پروګرامونو راټول شوي دي.
په خپرو شویو تصویرونو کې لیدل کېږي، چې په یادو الاتو کې لوډسپیکر، ایم پي تري او نور ګڼ توکي دي.
د یادونې ده، چې د طالبانو حکومت نه یوازې لغمان؛ بلکې د هېواد په ګڼو ولایتونو کې هم ورته کړنې ترسره کړي دي.
