تسنیم خبري اژانس د سيانان راپور ته په اشارې سره ويلي، چې د اسراییلو له لوري پر ایران د حملې ګواښ د خامنهیي له وروستیو څرګندونو وروسته مطرح شوی، چې پکې نوموړي ویلي وو مذاکرات ښايي بېپایلې وي.
تسنیم لیکلي، دا ډول ګواښونه د دوی لپاره نوې خبره نه ده.
دغه آژانس زیاتوي، امریکا له درې پړاوه مذاکراتو وروسته اوس د نظامي ګواښونو لاره نیولې ده.
دوی زیاتوي، امریکا او اسراییل ښه پوهېږي، چې جګړه له ایران سره یو اړخیزه نه ده او ایران به نه یوازې کلک ځواب ورکړي، بلکې د جګړې پایله به هم دوی وټاکي.
