د طالبانو حکومت د مالیې وزارت وایي، چې نړیوال بانک په افغانستان کې خپل پورونه اداء کوي.
خبرپاڼه کې راغلي چې نړیوال بانک په افغانستان کې له لوجیستیکي او رغنیزو شرکتونو ۵۰ میلیونه ډالره پوروړی دی او د دغو پورونو د اداکولو دا پروسه به په څلورو پړاوونو کې د مالیې وزارت په همغږۍ ترسره شي.
یاد بانک ویلي، په لومړي پړاو کې به نن ۱۰.۸میلیونه ډالر شرکتونو ته ورکړي او پاتې ۳۹،۱۱ میلیونه ډالر به راتلونکو دریو پړاوونو کې ورکول شي.
