د روسیې د ولسمشرۍ ماڼۍ (کرملین) اعلان کړی چې د روسیې ولسمشر ولادیمیر پوتین او د اوکراین ولسمشر ولودیمیر زلنسکي ترمنځ احتمالي لیدنه یوازې هغه مهال ترسره کېدای شي چې دواړه هېوادونه تر لیدنې مخکې یوې هوکړې ته رسېدلي وي.
کرملین دا څرګندونې په داسې حال کې کړې دي چې پوتین د سولې د خبرو لپاره ترکیې کې د زلنسکي لیدو ته حاضر نه شو او یوازې یې یو پلاوی له مسکو څخه ترکیې ته واستاوه.
بل لورته د امریکا ولسمشر ډونالډ ټرمپ اعلان کړی چې د دوشنبې په ورځ به د روسیې او اوکراین له ولسمشرانو سره خبرې وکړي.
