د امریکا ولسمشر ډونالډ ټرمپ د څو عربي هېوادونو له سفر وروسته، په غزه کې د لوږې پراخ بحران تایید کړی او ویلي یې دي چې فلسطینیانو ته د مرستو استول اړین دي.
ټرمپ ویلي: «موږ باید دواړو خواوو ته پام وکړو، ځکه ډېر خلک په غزه کې وږې دي.»
دغه څرګندونې په داسې حال کې کېږي چې د اسرائیلو له خوا په غزه کې له پنجشنبې تر جمعې له ۲۵۰ زیات کسان وژل شوي، او دا بریدونه د مارچ د اوربند وروسته تر ټولو خونړي ګڼل شوي دي.
