په هرات کې ځايي سرچينې وايي، چې د تېر وخت د ناچاودې ماين د چاودنې له امله دوه تنکي ځوانان وژل شوي دي.
دغو سرچينو ویلي، چې دغه چاودنه پرون د هرات د ګذرې ولسوالۍ د “سنګورد” په کلي کې شوې ده.
د سرچينې د معلوماتو له مخې، په دغه کلي کې دوه ١٧ کلن هلکان چې د تره زامن وو، ماين پرې وچاودېد او دواړه وژل شوي.
د طالبانو ځایي حکومت تر اوسه په دې اړه څه نه دي ويلي.
د یادونې ده چې د تېرو څو کلونو جګړو څخه پاتې شوي ماینونه کله ناکله خلک او په ځانګړې توګه ماشومان وژني.
