د پښتونخوا ایالتي وزیر علي امین ګنډاپور ویلي، که د پاکستان حکومت دنده ورکړي، نو د طالبانو حکومت له مشر سره به خبرې وکړي.
ګنډاپور ویلي، د اوسنۍ ستونزې یوازینی حل خبرې اترې دي.
نوموړي یو وار بیا د پاکستان له حکومت غوښتي، چې د دغو خبرو فرصت په رسمي ډول ورکړي.
دغه پاکستاني چارواکي زیاته کړې، چې طالبان د قومي مخورو خبرې نشي ردولی.
هغه تر دې وړاندې هم ویلي، چې کابل ته به د قومي مخورو یوه جرګه ولېږي.
