یوې باوري سرچینې د نوم نه ښودلو په شرط حماسه میډیا ته ومنله چې د طالبانو حکومت د دفاع وزیر ملا یعقوب مجاهد له تیرې یوې میاشتې په احتجاجي ډول وزارت ته نه دی تللی او کندهار کې خپل کور کې دی.
سرچینه وایي، ګمان کیږي د ښاغلي مجاهد کړنه د کورنیو چارو وزیر سراج الدین حقاني ته ورته وي.
د یادونې وړ ده چې د طالبانو حکومت دوو لوړپوړو چارواکو د خپل امیر شیخ هبة الله اخوندازه سره د ناسمو پالیسو او اصلاحاتو د مخې د ډپولو په سر جنجال راپورته کړی دی.
نا تایید شوي راپورونه وایي چې مولوي یعقوب مجاهد څو ځلې خپله استعفاء هم وړاندې کړې؛ خو د طالبانو د امیر له لورې نه ده منل شوې.
